Philippines Zofa Fellowship Kumthar Hlimawm
Kum 2008-2009 (PZF) hruaitute remhriatnain 30th December 2008 Thawhleh tlaiah Antipolo Mount Hermon tawngtaina tlangah kumthar hmang turin kan kal a, chu ta kalte chu;2. Rev.Muana
3. Rev. Ngun Sui Thang
4. Pu C.Lalawmpuia
5. Pu Mawia & Family
6. Pu Moses
7. Mr.Sithu
8. Mr.SoeHtait
9. Sayama Sangpuii
10. Nl. Lalfakzeli
Thlen zanah tawngtaihona kan nei a, kan hun hman zel dan turte sawihona kan nei. Kan Program duan dan tlangpui chu Sharing, Mass-prayer, leh Worship service a ni a, mahse Program a chipchiar deuhhlek avangin kan Program duan lawksa 50% vel chauh hmang theia ngaih a ni. Zofate context-a kan hlut ber zanlai inkhawm (Midnight Service) leh kumthar thuchah (New Year Sermon) kan hmang thei lo erawh chu Zofa Kristiante kara lo seiliante tan chuan rilru a baihvaiin a ar-bo-zawng hle niin a lang. Amah erawh chu tih ngai loh fireworks (Halpuah) kan hal vethung a, naupanlaia kan Krismas Kumthar boruaka kan lo hman thinte kha mi a dawnkirtir vethung. 31.12.2008 zana Group sharing kan neihte, kan chunga Lalpa thatzia sawihona kan neihte erawh chuan thlarau lam nun mi a tichakin mi a tihlim hle bawk a ni.
A kalna Motor leh Ei leh in chungchangah Pu Mawia (PZF President)-te chhungin mawhphurhna an la tluan chhuak a, PZF memberte an chhungkua chungah kan lawm hle a ni. A mite tana tuisik no khat suahtu chungah pawh a lawmman chan tawp lo tura intiamtu Lalpa ngei chuan thlarau leh taksaah a let tamtakin malsawmna vur rawhse tiin tawngtaisakna leh kan duhsakna kan hlan a ni.
Kum leh thar lo awm leh tur chu hmathlirin January 1st 2009, 1:25 p.m. ah mahni run theuh panin kan hawng darh leh ta a ni.
Subscribe to:
Posts (Atom)
Posts
