၂၀၀၈ ခရစၥမတ္ ပြဲေတာ္

ဒီႏွစ္ ၂၀၀၈ ခရစၥမတ္ ပြဲေတာ္ကို Bagiou ၿမိဳ ့မွာ ဖိလစ္ပိုင္ႏုိင္ငံ ျမန္မာ ခရစ္ယာန္ မိႆဟာရ အဖြဲ ့ (PMCF) ႀကီးမွူးက်င္းပ၍ ေပ်ာ္ရႊင္စြာ ျပ ူ လုပ္ႏိုင္ခဲ့ပါသည္။ Bagiou ၿမိဳ ့သည္ ၀ိုင္ ေပါမ်ားေသာ ေဒသ ျဖစ္သည္ ႏွင့္အေလ်ာက္ (PMCF) အဖြဲ ့မွ စာတန္၏ေသြးေဆာင္ျခင္းကို မခံႏိုင္ေသာ သူမ်ား သည္ မူးယစ္ေသာက္စားျခင္းျဖင့္ ခရစၥမတ္ ပြဲေတာ္ကို ေပ်ာ္ျမဴး ၾကသူမ်ားလည္းရွိသည္။ဒီႏွစ္ အတြက္ ဒီသီခ်င္းကို ခရစၥမတ္ အမွတ္တရ အျဖစ္ မွတ္တမ္းတင္လိုက္ပါသည္။
Kumin Krismas chu PMCF kaihruainain Bagiou-ah kan hmang a, kan hlim tlang hle. Kal lamah Beach-ah te inbualin infiamna chi hrang hrang buatsaih a ni a, 23.12.2008 tlai dar 3-ah Beach atangin Bagiou kan kal. 7:00 p.m velah Bagiou kan thleng a azan kan riaka a tukah ICC-ah inkhawmna kan nei a, zanah kan thlenin Biakinah inkhawmna kan nei leh. 24.12.2008 zanah hian PMCF hruaitu a hlui leh a thar mawhphurhna inhlanna (Handover) an nei a, Christmas drama tawi channa kan nei bawk. Hemi inkhawm program-ah Malsawm tintuah min ruat. 25.12.2008 Chrismas ni tak hi zingah inkhawmna kan nei a, tukthuan ei kham hnuah Excursion kan kal chhuak. Chun 3:00 p.m ah Foot Ball kan in khela, inkhelhnaa tel group-te chu; 1. Manila, 2. Cavete, 3. Bagiou-te kan ni. Inkhelh dan leh a result chu: Manila Vs Cavete (1-0), Manila Vs Bagiou (0-0), Bagiou Vs Cavete (1-0) a ni a, Manila leh Bagiou mark 5 ve ve an hmuh avangin penalty an pet a, Manila-in (4-3) in hnehna kan chang.
Bagiou hi Wine tamna hmun a ni a, hemi tum Krismas hmang tura kal mi thenkhatte hnenah Setana a che nasa a, mipui pumpawlh hlei thei lova wine ruia khawsate pawh an awm. Mahse 90% chuan thianghlim leh mawi takin kan hmang. 25.12.2008 zan 12:00 ah kan hawng leh a, a tuk dar 7:00 a. m.-ah Manila kan thleng leh.

Don Moen and Hill Songs

Christmas Songs-Mizo&Nl Nunui

Sazupui Chanchin (Coney)

Sazupui (Coney) hi Bible-ah hmun liah thai lan a ni a, chungte chu: (Lev. 11:5, Deut. 14:7, Sam. 104:18, Thufingte 30:26) te an ni a, Sam. 104:18, Thufingte 30:26 atang hiang Sazupui hi zirho i tum ang u aw!
Sazupui hi Lebanon tlang, Jordan leh Tuipui thi ruam lung puk leh lung khawkrawk kara cheng an ni. An pianzia chu; an hnungzang hi a dumin a thlura, a bul erawh chu zuchang angin a var. Mei sei lo zet te hi an nei a, an beng hi a bial kalh mai a ni. Tin an len lam chu ina kan khawi zawhte tiat hi an ni tuan tha lo zet mai, zawi hnap chi hi an ni. An danglamna pakhat chu thialret thial chi an ni a, an ketin erawh chu a kak chhuak lo a ni. Chuvangin Leveticus leh Deuteronomy-ah chuan ei thiang lote zingah chhiartel an ni.
Sazupui hi Solomonan thil te tham, lei chunga awm, fing reuh si a tihte zinga tel a ni. Solomona hian apawngatakin fing a ti mai lova, an awm dan atangin fing a ti a nih zawk a nih a rin awm. Chu an awm dan, an chet tlat dan chu Sam 104:18-ah “Tlang sangte chu sathar tan a ni a, lung khawkrawkte chu sazupui tan. (Direct Translation from KJV)” a ti a ni. Sazupui hian an chaklohzia an hriat avangin lung pukahte bu an sa a, anmahni tina theitu an hmelma laka an inhumhim nan lung puk an hmang a ni. Sazupui hi muin an duh em em a, van sang tak atangin la turin an rawn bir thla vang vang thin a, mahse lung puk karah a bik thin avangin an la thei thin lo a ni. Chu mai pawh ni lovin a chang phei chun a lak tumtu mu zawk an che sul in lungah an in sawh hluma sazupui chawah an leh chan hial thin a ni.
Awle, sawi tum chu a lang uar ta mai. Sazupui chuan an chak lohna inhriain lung puk karahte bu siamin fimkhur taka an awm avangin an hmelma karah an him thin a, amaherawh chu an bu an chhepnate chu tha hle mahse chaka inngaia mahnia tlafal thinte chu muin an la chawk thin a ni. Chutiang bawk in, keini ringtute pawh hian mi chak lo kan nih inhria Lal Isua hnena kan tlan thin chuan chutah chuan himna a awm a, hmelmapa thlemna pawh intahhriamnaah an hmang hial thin a ni. Amaherawh chu mahni chaknaa innghat a, chaka inngai, thaa inngaia tlafal thinte chu hmelmapain a chaw atan a hmang fo thin a ni.
Chuvangin Sazupuiin a inhumhimnan lungpuk a hmang thin ang hian kei ni pawhin kan inhumhim nan chatuan lungpui nghet (Krista) chu i hmang ang u.

A ni thei ang em?

Thil azawngah midangte thunun hi a nuam ber awm a, mahse mahni in thunun erawh chu harsa berte zingah a tel leh lawi si. Mi dangte tih atan thil tha hriat, mi zawm atan thu tha sawi, mahni erawh chuan nunpui leh zawm tum hauh si lo; mi fel niin an felna mite chhawr loh, mi tlawmngai niin an tlawmngaihnain mite chhawk zangkhai chuang lo, mi thiam niin an thiamna mite tihmasawn chuang si lote hi Solomona sawi, “Sakeibaknei thi aiin ui nung takngail pawh a tha zawk si.” (Thuhriltute 9:4) a tih a ni thei ang em? Lo nita ang sela, kei pawh chu’ng zinga tel ka ni ngei dawn a, engtin nge chu bawih ata chu kan tlan chhuah ang? …..Kha!!! I chhanna ang khan nangmah ngeiin hmalak tak tak i tum tum em? Felna te, tlawmngaihna te, thiamna kan tihte hi utawktur vawnin vawng tatlat ila, Solomona sawi chu a burin kan khum a ni thei mai a ngem?
A chhanna dik chu nangma hriatnaah a awm a, chu I chhanna chu nangmah ngeiin hmang chhunzawm nghal rawh aw!!!

Partethanga